Miro er ein applikasjon som lar deg abonnere på RSS-straumar til podcastar, både lyd og video. For ei stund tilbake feira Miro deira slepp av versjon 2, som endra delvis på grensesnitt, gjorde heile programmet raskare og forbetra programguiden (lista over tilgjengelege podcastar). Dette var noko me her i TeknoNytt òg fekk med oss.
I ein post på Miro-bloggen fortel utviklarane bak Miro at den komande 2.1-versjonen av Miro har som hovudfokus å ha høgare yting. Dei kan allereie no vise til testar som har vorte utførte på den foreløpige utviklarversjonen at Miro er meir responsivt enn den noverande stabile versjonen, versjon 2.0.4.
Det er gjort målingar ved tre ulike databasestorleikar. Databasestorleikane avhengjer av kor mange straumar ein abonnerer på. I den nye versjonen er det fartsauke på opp til 50%. I den nye versjonen går det ikkje berre raskare å starte Miro, men òg å avslutte Miro.
Dei som måtte ynskje å ta ein kikk på resultata sjølv kan ta ein kikk på tabellane her.
