Neste punkt i artikkelserien om program med open kjeldekode er det grafiske program som står i høgsetet.
Når det kjem til grafikk og bileteredigering er det ofte PhotoShop som vert nemnt. Det profesjonelle redigeringsverktyet frå Adobe (uttalast [adåobi]). Programmet er kjelden til det populære adjektivet «photoshoppa», som tyder at eit bilete er redigert og ikkje lenger er i originalform.
Sjølv om PhotoShop er eit bra program kan det vere litt i meste laget når det gjeld kompleksitet og pris. PhotoShop er stort og har mykje funksjonar som dei fleste ikkje treng, i tillegg er PhotoShop dyrt og ikkje alle har lyst til å bruke så mykje pengar på berre eit program.
I denne artikkelen vil eg syne eit par program som leverer det ein treng av funksjonalitet om ein berre skal redigere litt på feriebileta eller har det litt moro med nokre vener.
–GIMP (Windows/Linux)
(tidlegare The GIMP) er eit program som har vore under utvikling sidan nittitalet. Programmet er fylt med funksjonalitet, men kan ha eit grensesnitt som kan vere litt uvant, sidan det ikkje følgjer «normene» innanfor grensesnitt.
–Heimeside
–Last ned
–GIMPshop (Windows/Linux/Mac)
er ein modifisering av GIMP som gjer at det likner meir på PhotoShop. Det gjer òg at programmet følgjer «normene» for grensesnitt betre, men det er likevel ikkje heilt likt.
–Heimeside
–Last ned
–Paint.NET (Windows)
er eit program som orginalt var ein utvida versjon av Paint i Windows, men har i dag vorte eit sjølvstendig prosjekt. Programmet har fått utruleg med bra kritikk og har vorte kalla gratisversjonen av PhotoShop.
–Heimeside
—Last ned
–Inkscape (Windows/Linux/Mac)
er eit program som ein kan teikne vektorgrafikk i. Vektorgrafikk baserer seg på biletesamansetning av geometriske figurar, i staden for farging av pikslar. For meir informasjon om vektorgrafikk gå til Wikipedia.
—Heimeside
—Last ned
–CinePaint (Linux/Mac)
er eit program som er bygga på GIMP, men har fått eit litt endra grensesnitt og ein del nye funksjonar, som gjer at det har betre funksjonalitet for dei som driv med høgkvalitetsbileteredigering.
–Heimeside
—Last ned
–Seashore (Mac)
er eit program som er bygga på GIMP-teknologi, men har som poeng å ikkje vere ein motstandar til PhotoShop, men tilby enkel redigering for den vanlege forbrukaren.
–Heimeside
–Last ned
